Days of Being Wild (1990)

Genre: Crime, Drama, Romance
Downloads 1917K Views

IMdb Rating. = 7.6/10

“အရိုင်းဆန် နေ့ရက်များ”

၁၉၆၀ ဧပြီလ၁၆ရက်နေ့ သုံးနာရီထိုးဖို့ တစ်မိနစ်အလို ဇာတ်ကောင်ဟာ မိန်းကလေးနဲ့အနီးဆုံးရပ်နေပြီး နာရီရဲ့စက္ကန့်လက်တံ သုံးနာရီအတိထိ တစ်ချက်ချင်းသွားတာကို သူတို့အတူကြည့်နေကြတယ်။
ဒီတစ်ခေါက် စက္ကန့်လက်တံ ရှေ့တွန်းလိုက်တာဟာ မိနစ်လက်တံတစ်ချောင်းတည်းတော့မဟုတ်ဘူး။
ကြားဖူးတယ်မလား တစ်ခါတလေကျ တစ်မိနစ်ဆိုတာ တစ်ဘဝလုံးလောက်လည်း ရှည်ကြာနိုင်တယ်။

ဇာတ်ကောင်ဟာ မိန်းကလေးကိုပြောလိုက်တယ်။
” မင်းကြောင့်ငါ ဒီတစ်မိနစ်ကို
အမြဲအမှတ်ရနေတော့မှာ”တဲ့။
တစ်မိနစ်တာစတင်မှုဟာ အခုတော့ မိန်းကလေးအတွက် သူနဲ့တစ်နေ့တစ်နာရီ နှီးနှောမှုအသွင်ပြောင်းလဲသွားခဲ့ပြီ။
တစ်လွှာချင်းပြန်ဝတ်ရတဲ့ အဝတ်အစားတွေအတွက် မိန်းကလေးမှာ မေးစရာစကားလုံးနှစ်လုံးရှိတယ်။ လက်….ထပ်….။
ဇာတ်ကောင်ဟာ ရဲတင်းတယ်။ ထီမထင်ဘူး။
ဇာတ်ကောင်ဟာ လက်ထပ်ယူတတ်တဲ့စရိုက်မျိုးမရှိဘူး။
ဒီတော့ မိန်းကလေးဟာဒီကိုပြန်လာစရာအကြောင်းမရှိဘူး။
ဇာတ်ကောင်ဟာ အပူအပန်မရှိဘူး။
လွမ်းဆွေးမှုမရှိဘူး။ သွေးအေးတယ်။
“ရှင် ကျွန်မကို တကယ်ချစ်ခဲ့ဖူးလား”တဲ့
မိန်းကလေးက ဇာတ်ကောင်ကိုမေးတယ်။
ဇာတ်ကောင်ဟာအေးစက်တယ်။ခံစားချက်မဲ့တယ်။
” ငါ့ဘဝမှာ နောက်ထပ်မိန်းမ
ဘယ်နှယောက်ကို ချစ်မိဦးမလဲ ငါမသိနိုင်ဘူး
ငါ့ဘဝနောက်ဆုံးအချိန်မရောက်သေးခင်အထိ
ငါ့အချစ်ဆုံးက ဘယ်တစ်ယောက်လဲ
ငါသိဦးမှာမဟုတ်ဘူး”တဲ့ ဖြေတယ်။
ဒီလိုနဲ့ သူတို့ကျောခိုင်းသွားကြပြီ။

 

စစလာကတည်းကိုက ဘဝဟာဝေဒနာပဲမဟုတ်လား။
ဇာတ်ကောင်ဟာဒဏ်ရာများတယ်။
ဇာတ်ကောင်ဟာ ငှက်ကလေးတစ်ကောင်ဖြစ်တယ်။
ဇာတ်ကောင်မှာ အသိုက်မရှိဘူး။
ဒါဆို ဘယ်လိုငှက်မျိုးလဲ။
ဇာတ်ကောင်ပြောတာကတော့…..
“ခြေထောက်မရှိတဲ့ ငှက်တစ်မျိုးရှိတဲ့အကြောင်း
ကျုပ်ကြားဖူးတယ်။ သူလုပ်နိုင်တာဆိုလို့
ပျံပြီးရင်းပျံဖို့ပဲရှိတယ်။သူမောပန်းလာတဲ့အခါကျ
လေထဲမှာ အိပ်တယ်။အဲ့ဒီငှက်က သူ့တစ်ဘဝလုံးမှာ
မြေပေါ်တစ်ထောက်ပဲ ဆင်းသက်လို့ရတယ်
အဲ့ဒီတစ်ထောက်နားတဲ့အချိန်က သူသေတဲ့အချိန်ပဲ”တဲ့။

Days Of Being Wildဟာ ဝမ်ကာဝေးရဲ့ နာမည်ကျော် Informal Triologyရဲ့ ပထမဆုံးကားပါ။
သူ့ရဲ့ ဒုတိယမြောက်ကားလည်း ဟုတ်ပါတယ်။
Metacritic96%ရထားလို့ ရုပ်ရှင်ဝေဖန်ရေးသမားတွေရဲ့ အကဲဖြတ်မှုအရ သူ့အကောင်းဆုံးကားလို့ပြောလို့ရပါတယ်။
ရုပ်ရှင်ရိုက်ကူးမှုအတတ်ပညာပိုင်းမှာလည်း ရိုက်ချက်ရှည်တွေ အနှေးကွက်တွေနုဲ့ ပြထားသမျှတစ်ကားလုံးပစ်ရက်စရာကိုမရှိပါဘူး။
ပြောရရင် ဘာစကားမှမပြောကြလည်း ဒီတိုင်း ထိုင်ကြည့်နေရင်တောင်တန်ပါတယ်။
ဝမ်နဲ့ တွဲရိုက်နေကြ ခရစ္စတိုဖာဒွိုင်းပဲရိုက်ထားပါ။
၁၉၉၀ထွက်ပေမယ့် ၂၀၀၄မှာre release လုပ်ထားလို့ လက်ရှိဟာက ၂၀၀၄ဗားရှင်းပါပဲ။
အကောင်းဆုံးဟောင်ကောင်ရုပ်ရှင်တစ်ရာမှာ နံပါတ်၃ချိတ်ထားပါတယ်။

Spoiler Alert
==========

တကယ်တမ်းကျ သိလိုက်ရတာက ငှက်ကလေး
မပျံသန်းလိုက်ရခင်ကတည်းက သေနှင့်နေခဲ့ပြီ။
သူရဲ့အရိုင်းဆန်ရခြင်းကို ကျွန်တော်တို့နားလည်စေခဲ့ပြီ။
နောက်ဆုံးထွက်သက်မတိုင်ခင် နောက်ဆုံးမြင်ကွင်းက
ဘာလဲလို့ သူအမြဲသိချင်ခဲ့တယ်။ ဒါပေမဲ့ တကယ်တမ်း
သူ့ရဲ့ နောက်ဆုံးထွက်သက်မတိုင်ခင် နောက်ဆုံး
မြင်ကွင်းက သူ့မျက်စိရှေ့က မြင်ကွင်းမဟုတ်ခဲ့ဘူး။
အတိတ်က နာရီစက္ကန့်တံ တစ်ပတ်လည်ချိန်ဟာ..
သူ့အချစ်ဆုံးမိန်းကလေးဟာ……….
သူ့ရဲ့ နောက်ဆုံးမြင်ကွင်းဖြစ်ခဲ့တယ်။
ငှက်ကလေးဟာ အဖြေကိုရသွားတယ်။

ရောင်နီလာပြီ….
အတော်လှတဲ့နေ့တစ်‌နေ့ဖြစ်မယ်နဲ့တူတယ်
နေဝင်ရင်ရော ဘယ်လို‌များဖြစ်နေမလဲ သိချင်မိသား
ဒါပေမဲ့ နေဝင်ချိန်ကို မြင်နိုင်ခွင့်မရှိတော့ဘူး။

Please, wait..
Channel Mandalay APK ကို downloadရန်နှိပ် ပါ။
Load Facebook SDK for JavaScript end -->