Ondu Shikariya Kathe (2020)

Genre: Crime, Thriller
Downloads 8675K Views

Ondu Shikariya Kathe (2020)
====================================

ဒီတစ်ခါတော့ 2020 မှာပဲ ထွက်ရှိထားတဲ့ ကုလားကားကောင်းလေး တစ်ကားနဲ့ မိတ်ဆက်ပေးချင်ပါတယ်။

ဒီဇာတ်လမ်းလေးမှာတော့ ဘယ်တုန်းကမှ ရက်စက်ကြမ်းကြုတ်မှုတွေကို မပြုလုပ်ခဲ့ဘူးတဲ့ ရှန်ဘူရှက်တီဆိုတဲ့ ဝတ္ထုရေးဆရာကြီးတစ်ယောက် ရှိပါတယ်။ သူဟာဘယ်လောက်တောင် ဒီရက်စက်ကြမ်းကြုတ်မှုတွေကို မုန်းတီးသလဲဆို အမဲလိုက်ဝါသနာပါတဲ့ အဖေက သူ့ကိုတောထဲခေါ်တာမလိုက်လို့ နှစ်နှစ်တိတိ စကားမပြောတဲ့အထိပါပဲ။ နောက်ဆုံး သူ့အဖေရဲ့ နောက်ဆုံးဆန္ဒအဖြစ် သေနတ်ကိုင်ပြီး တောထဲဝင်ခိုင်းတာတောင် သေနတ်မပစ်ခဲ့တဲ့အတွက် သူ့အဖေက ဒီစိတ်နဲ့ဆုံးပါးသွားခဲ့ရတယ်။

သူကိုယ်တိုင်လည်း သူ့အဖေဆုံးသွားရတာ ဒါကြောင့်ဆိုတဲ့ စိတ်ရောဂါအခံလေးရှိနေခဲ့တယ်။ နောက်ပိုင်း သူ့တစ်ရွာလုံးက သူ့ကိုရူးနေတယ်လို့ ပြောနေသည့်တိုင်အောင် သူကတော့ ဘဝတစ်လျှောက်လုံး ကောင်းမှုတွေပဲ ပြုနေခဲ့ပါတယ်။ နောက်ဆုံး အရာရာစွန့်လွှတ်ပြီး ထွက်သွားမယ်လို့ စဥ်းစားပြီးခါမှ သူ့စာဖတ်ပရိတ်သတ်တွေရဲ့ တောင်းဆိုမှုကြောင့် သူ့အတ္ထုပ္ပတ္တိကို ရေးဖို့ အကြောင်းဖန်လာပါတော့တယ်။ ဒီအတ္ထုပ္ပတ္တိကိုရေးရင်း သူ့အဖေရဲ့နောက်ဆုံးဆန္ဒ သူမဖြည့်စွမ်းပေးနိုင်ခဲ့တာကို စဥ်းစားမိတော့ စိတ်သက်သာရာရအောင် သူ့တပည့်တစ်ယောက်ကို ကျားယောင်ဆောင်ခိုင်းပြီး ကျည်ဆန်တုနဲ့ အမဲလိုက်ထွက်ဟန်ဆောင်ခဲ့ပါတယ်။

ဒါပေမယ့် သူ့တပည့်က ကျည်ဆန်တုအစား ကျည်ဆန်အစစ်ကို ထည့်ထားခဲ့တဲ့အခါ ရှန်ဘူရှက်တီတစ်ယောက် တောထဲရောက်လာတဲ့ လူငယ်လေးကို မှားပြီးပစ်လိုက်မိပါတော့တယ်။ ဒီအမဲလိုက်ပွဲကြီးအပြီး သတ်လိုက်မိတဲ့ လူငယ်လေးကို ဖုံးဖိဖို့ကြိုးစားတာကနေ နောက်ဆုံးဘယ်သူတွေက ရှာဖွေတွေ့ရှိသွားမလဲ။ ရှက်တီတစ်ယောက်ကော ဒီကိစ္စတွေကို ဘယ်လိုဆက်ဖြေရှင်းသွားမလဲ ဆိုတာ ဆက်လက်ရှုစားရမှာပဲ ဖြစ်ပါတယ်။

Please, wait..
Channel Mandalay APK ကို downloadရန်နှိပ် ပါ။
Load Facebook SDK for JavaScript end -->